سبورت 360 – كشف احمد حسام ميدو نجم نادي الزمالك السابق عن أسباب فوز الفريق الأبيض على الرجاء البيضاوي.
وقال ميدو معلقا على فوز الزمالك : “مباراة امس اظهرت قوة اسكواد الزمالك ولو كنت مكان باتشيكو هبدأ المباراة القادمة بنفس تشكيل امبارح حتى لو عادت كل الغيابات اللي لازم يكونوا على مقاعد البدلاء ويكون عندنا بدائل افضل..امير مرتضى صنع هذا الفريق بذكاء شديد جدا ..ماتش العودة سيكون اصعب..لازم الكل يخلي باله..
وتابع: “واحده من اهم النقاط اللي رجحت كفة الزمالك هو عدم الحديث عن اي ازمات خارج الملعب حول الزمالك ونجاح الزمالكاوية في دعم اللاعبين فقط وعدم التطرق لاي مشاكل اخرى..اتمنى مواصلة الدعم حتى مباراة العودة وعدم التطرق للحديث عن اي مشكله قد تشتت اللاعبين “.
تصفح الموقع الرسمي للدوري السعودي، وتابع أهم الأخبار، وأخبار كريستيانو رونالدو باللغة الإنجليزية
واضاف ميدو: “انا شايف ان امبارح تغييرات باتشيكو ماتاخرتش ولا حاجه الوقت اللي هو كان عايز يسحب فيه اوباما كان اوباما بيقوم بمجهود دفاعي مميز جدا وبيرد يساعد طارق واسلام كويس جدا وكان رتم الماتش علي جدا صعب انه يغيره لانه لسه مش واثق ان زيزو هيقوم بنفس الدور الدفاعي كرقم ١٠..”
وختم: “ابوجبل مركز اوي امبارح وناقل ثقته في نفسه لكل زمايله واكتر حاجه مبسوط منه فيها انه ماكانش بيحاول يضيع وقت ويعمل شغل بلدي في اخر نص ساعه وده خلى الوقت الضايع ٣ دقايق بس وقلل الضغط على اللاعيبه في اخر الماتش..في كورتين بس مسكهم ولعبهم بسرعه زياده عن اللزوم كان لازم ياخد وقته شويه..”
قناة سبورت 360عربية على يوتيوب
